|
Muuu muuu !! Jæja Sísí supercow ber ofurbelju nafni með sóma ! ég er gjörsamelga að springa. ég er svo heppin að hafa næga mjólk handa litlu dömunni og restinni að fyrirburadeildinni!! Þetta er orðið svo svakalega mikið að ég er orðin mjólkurgjafi og gef mjólk á deildina. Ágústa Arís drekkur ekki meir en 400ml á sólahring og ég mjólka um 2 lítra á sólahring, þannig að ég ákvað bara að gefa þetta. Ágústa Arís fékk móðurmjólk frá móðurmjólkurbankanum í byrjuninni þegar ég var ekki farin að mjólka, og mér fannst það rosalega gott, þetta er svo mikilvægt fyrir börn og alveg nauðsynlegt fyrir fyrirbura. Katli finnst þetta náttúrulega alveg snilld og fylgist alltaf spenntur með þegar ég er að pumpa. Hann er alveg orðin expert á brjóstapumpur !! svo kallaði hann á pabba sinn og sagði við hann "pabbi sjáðu ! mamma er einsog kú !!" LOL !! hann er alveg brill. Honum finnst líka að við þurfum ekkert að vera að kaupa meiri mjólk, við eigum alveg nóg.. LOL!! hann er svo fyndinn þessi elska. Annars gengur ponsu bara vel, hún er farin að reyna að drekka frá brjóstinu og gengur bara ágætlega. Ég var hjá henni í nótt og fyrrinótt og við reyndum að láta hana drekka á nóttunni. Það gekk svona la la, hún er svo þreytt að það er erfitt að vekja hana til þess að drekka. Þær sendu mig heim að sofa í kvöld, ég sef ekkert þegar ég er uppá deild, ég er rokin á lappir um leið og ég heyri grát. Held alltaf að þetta sé Ágústa Arís sem er að gráta. Verst að það eru um 15 börn á deildinni þannig að þetta verða ansi margar ferðir frammúr. Blóþrýstingurinn hjá mér er ennþá soldið hár og blóðprufurnar sýndu líka að ég væri að þorna upp. Þannig að ég verð víst að hvíla mig meira og drekka nóg. Ég framleiði svo mikla mjólk að ég verði fyrir svo miklu vökvatapi, ég hef ekki undan að drekka, samt er ég með vantsflösku í hendinni allan daginn og á nóttunni. Litla krílið þarf á mér að halda í heilu lagi þannig að maður verður víst að reyna að slappa af. En það er alveg rosalega erfitt þegar maður á lítið barn sem er á spítala. En við getum þakkað fyrir það að Ágústa Arís er heilbrigð og sterk, eina sem er er að hún er lítil og þarf smá tíma til að vaxa og þroskast. Það er alveg rosalega skrítin tilfinning að vera búin að eignast svona fallega og velskapaða stelpu og fá svo ekki að fara með hana heim. Þetta er allt eitthvað svo órauverulegt, ég hef ekki einu sinni fengið að baða hana, hún getur ekki haldið hitanum nógu vel þannig að við verðum að bíða með bað og svona. Ætli maður átti sig ekki betur á þessu þegar maður er komin með snúlluna heim og getur farið að slappa af og notið tímans með henni. |
Comments:
Skrifa ummæli
|
Nafn:Sísí
